وقوع ثياب نجسة في ماء البانيو وتأثيره

Question

السلام عليكم،
كان في ثياب عليها نجاسة (بقايا غائط) على حافة البانيو. وأنا عم طهر أرض الحمام بحط مي على الأرض وبشيلها بالممسحة، بحطها بأرض البانيو بكون في مي مجمعة، والحنفية بتركها مفتوحة شوي بطهر الممسحة وبعصرها وبرجع بستعملها. أكتر من مرة بعمل هيك. لما خلصت تطهير الأرض لقيت الثياب النجسة واقعة بالمي المجمعة بأرض البانيو. وأنا ما انتبهت إمتى وقعت وإذا كانت واقعة أنا وعم بحط الممسحة بالمي اللي بالبانيو، بس بذكر الحنفية مفتوحة شوي لما طهر الممسحة. بس لقيت النجاسة على الثياب كتير خفت، بقي لون خفيف يعني ممكن كانت الثياب وقت بالمي. رجعت طهرت أرض الحمام مرة ثانية، خفت يكون تنجّس من الممسحة بس تسرّبت، لأن أول مرة طهرت أرض الحمام طهرت قسم منه وطلعت على غير غرفة بإجرين رطبين ورجعت كملتو. حتى تسرّبت: إذا ممكن أنا وعم بعصر الممسحة فوق البانيو يكون رجع طرش من المي المجمعة وجاو على إيدي أو على الممسحة وممكن كون مسكرة مي الحنفية بهالوقت. بكون نجست الغرفة الثانية؟ ضايعة لأن ما عدت عرفت إمتى طلعت على الغرفة الثانية وامتى وقعوا الثياب النجسة بالمي. وأنا حطيت حالي بالمشكلة لأن ما طهرت الثياب النجسة أول شي. بعتذر في كتير تفاصيل، وشكراً

Answer 1

وعليكم السلام ورحمة الله وبركاته

آية الله العظمى السيد الخامنئي (قدّس سرّه) وآية الله العظمى السيد السيستاني (حفظه الله):

أولاً: بما أنّ الحنفيّة كانت مفتوحة فالماء متصل بالماء الكر ولا ينجس ما يلامسه من الأشياء ولا يحكم بنجاسة ما يطفر من الماء.

ثانياً: كل ما ذكرتيه لا يقين وعلم به بل مجرّد احتمال أن تكون الملابس قد وقعت في الماء قبل الانتهاء من تطهير الأرض. وعليه فيمكنك البناء على طهارة كلّ ما ذكر ولا يجب الفحص والتدقيق.

دمتم موفقين لكل خير

---

المصدر:

آية الله العظمى السيد الخامنئي (قدّس سرّه): الرسالة التعليميّة، الطهارة، المياه، أحكام الماء المطلق + أجوبة الاستفتاءات، س312 + فقه الولي: من أحكام النجاسات (1).

آية الله العظمى السيد السيستاني (حفظه الله): منهاج الصالحين، ج1، حكم الماء المطلق، الماء الكثير + المسائل المنتخبة، أحكام الطهارة، ما تثبت به الطهارة والنجاسة.